Shoe review - Nike Air Pegasus+ 26

Keypti mér nýja Nike Air Pegasus um jólin þegar hin tvö pörin voru orðin slöpp (Air zoom vomero 3 og Air max moto 6).

Er búinn að hlaupa frá áramótum í þeim og líka bara vel.  Fyrir neutral runner eru þeir mjög fínir en ég hleyp einnig með Superfeet innlegg frá Afreksvörum.   Skórnir eru það sem ég kalla hraðir æfingarskór, góðir fyrir tempóæfingar og lengri hlaup.  Dempunin er vel ásættanleg þó hún sé ekki eins mikil og í Air zoom vomero.  Dugir vel fyrir dunk eins og mig.  

Í gær þegar ég var að hlaupa á auðu í fyrsta skipti í skónum var ég fljótur að detta niður um 10-15 sek pr. km á hröðustu km án þess að vera að leggja hart að mér.   

Stærðin er passleg m.v. það númer sem ég nota en Air max moto eru samt rúmbetri í sömu stærð.

Mæli klárlega með þeim.  Fæ Asics Nimbus í næstu viku og verður gaman að endurnýja kynnin við þá en ég hef gefið þeim frí í 3 ár eða svo eftir að ég kynntist Nike skónum.  En Asics mega vera góðir til að toppa Nike skónna :) 

UTMB

Vegna mikils fjölda umsókna varð að hafa útdrátt í UTMB og CCC, allir Íslendingarnir komust að, ég og Höskuldur Kristvins höldum enn og aftur á vit ævintýrana í UTMB, tvær fræknar konur eru skráðar í CCC og 4 öflugir menn í TDS.  Ég er skráður undir Noregi :)

race number	Name	Firstname	Category	dpt :	Country	Nationality :	Statute
	KRISTVINSSON	Hoskuldur	V3 H	-	IS	IS	To pay

 
The North Face® Ultra-Trail® Courmayeur-Champex-Chamonix - CCC® 2010

race number	Name	Firstname	Category	dpt :	Country	Nationality :	Statute
	JONASDOTTIR	Helga Thora	SE F	-	IS	IS	To pay
	KJARTANSDOTTIR	Arnfridur	V2 F	-	IS	IS	To pay

 
Sur les Traces des Ducs de Savoie - TDS 2010

race number	Name	Firstname	Category	dpt :	Country	Nationality :	Statute
	ARNASON	Birkir	SE H	-	IS	IS	To pay
	GUDMUNDSSON	Daniel	V1 H	-	IS	IS	To pay
	KIERNAN	Sigurdur	V1 H	-	IS	IS	To pay
	SIGURDSSON	Johann Gisli	SE H	-	IS	IS	To pay

 

 

Verður bara gaman!

Myndband frá TDS

Langhlaupari ársins

Frábært framtak hjá Torfa á hlaup.is að velja langhlaupara ársins.  Margir hlauparara náðu góðum árangri í fyrra og það sem stendur kannski hæst er árangur Gunnlaugs í 48 tímunum, Bigga í maraþoninu og Völu og Þorbergs í Laugaveginum.  Margir aðrir koma svo þar rétt á eftir. 

Til hamingju Gunnlaugur og Vala með titillinn.

 

Rúllaði 24 km í kvöld, nýtti morguninn í göngutúr í birtunni sem eykst nú dag frá degi.  Orðið bjart um 9 en dimmt ca. 14:15.

1 stk. Yaktrax gormar

Búinn með eitt par af Yaktrax gormum þetta árið, greinilegt að nýjasta gerðin er verri en sú gamla en ég á hana enn heima í fínu standi eftir tvo vetur.  Báðir gormarnir farnir.

Tók frí á mánudaginn, tók 19 km á þriðjudaginn en í gær var líkaminn í heljarstuði til að fara út að hlaupa en hugurinn var ekki á sama máli.  Þegar þeir urðu loks sammála rétt fyrir ellefu um kvöldið sagði ég sjálfur stopp þar sem ég nennti ekki að mæta ósofinn í vinnuna kl. 6.  Þannig að þessi vika verður rétt yfir 100 km ef helgin gengur upp.

Fór aftur 19 km í dag í gaddavírs hálku eftir hláku gærdagsins og hefði ekkert orðið úr hlaupum ef ég hefði ekki haft gormana þótt þeir væru farnir að slitna.

Góð vika að baki

Búin að vera að undirbúa mig fyrir ögn lengri viku undanfarið og ákvað að fara upp í 140 km.   Reikna samt ekki með að fara ofar en það a.m.k. ekki alveg á næstunni.  Kem bara býsna vel frá þessu og ekkert of erfitt, aðstæður hafa þó ekki verið þær bestu, erfitt færi, snjókoma, hláka og svell gerðu þessa kílómetra ögn meira krefjandi.

Hef hlaupið með gorma allann tímann og hafði ég alveg gleymt hversu gott er að hlaupa með þá, hraðinn er meiri þar sem minna fer í spól og þeir eru ekkert að þvælast fyrir.

2009 og 2010

2009 varð nú ekki ár stórra afreka sem skýrist af mestu af því að ég var nánast alveg frá síðustu mánuði 2008 vegna meiðsla í ilinni, plantar fasciitis.  Þá um áramótin var ég að lagast en það tók fram í maí að vera það góður að meiðslin hættu að angra mann við æfingar.  Flutningur til Noregs færði auk þess plön til þannig að Laugavegurinn datt út en hann hefði orðið sá sjöundi í röðinni og var ég svolítið svekktur því ég stefndi á 10 í röð. 

Náði Jökulsárhlaupinu og gekk ágætlega, náði 6 sæti umkringdur Laugaskokkurum. 

Æfingar hér úti gengu ágætlega svo ég kom nokkuð sterkari inn í UTMB hlaupið en tókst að rústa hásininni á hægri fæti rétt fyrir hlaup og gat vart hlaupið 3 km viku fyrir hlaupið.  Fór því rólega af stað í hlaupið þar til ég fann að allt hélt, þá dúndraði ég af stað og fann að ég var margfalt sterkari en síðustu ár og þoldi niðurhlaupin mjög vel og gekk vel upp á móti þar til á ca. km 120, þá sagði hásinin stopp.  Eftir alltof langt stopp stökk ég af stað og náði að fræsa vel í mark, en síðasti hlutinn er einhver flottasta hlaupaleið sem hægt er að komast í.  4 mánuðum seinna er ennþá stórt ör á hásininni en hún heldur vel og ekki til að hafa áhyggjur af.

Náði að koma mér í gang aftur í haust en vanalega hef ég verið rólegur í nóv/des svo nú kem ég í fínu formi inn í 2010 með tæpa 400 km í des og 3000 km í heildina.  Er ca. 13 kg léttari en um síðustu áramót þannig að ég vona að ég nái að hefja 2010 með stæl :)

Planið fyrir 2010 er enn sem komið er ekki fullmótað en amk Western States í júní, Laugavegurinn í júlí og UTMB í ágúst.   Er að skoða keppnir nú í vetur og fram á vor en ekkert fastnelgt í þeim efnum.  Kannski kemst maður heim í vormaraþon.  Hvernig sem það allt verður þá er allavegana stefna sett á að taka hlaupin á góðu farti.

Kalt

Hver æfing er nú tekin í -10 til -13 gráðum og er það í góðu lagi svo lengi sem lognið flýtir sér ekki.  Var dálítið lengi að finna rétta samsetninguna á fötum til eiga við svona hita en frétti það svo frá Eiði Aðalgeirs að hann hlypi alltaf í Powerstretch peysu frá 66°N.  Þar sem ég átti eina inn í skáp þá var hún dregin fram og þvílík snilldarpeysa, heldur vel hita og er þægileg í alla staði þó hún sé oftast algjörlega á floti eftir 20-25 km hlaup.  Norska ullarpeysan (Devold) er eins og ískápur við hliðina á þessari græju og jafnvel þó ég væri í annarri peysu til.  Notast svo við einfaldan hlaupajakka utan yfir.  Mæli klárlega með henni í vetrarhlaupin.

Þarf að fara að endurnýja skónna mína hvað úr hverju, finn að dempunin er orðin léleg og ekki eins gaman að fara út að hlaupa og ca. 15 sek farnar af æfingarpace-inum sem gerist iðulega þegar skórnir hætta að virka sem skildi, gerist yfirleitt þegar þeir skríða yfir 700 km.  Hætti yfirleitt að nota þá eftir 850 km.

Árið stefnir í 3000km, vantar 3 góðar æfingar upp á það og þá ætti ég um leið að detta inn í nýtt ár í mínu besta formi hingað til, vigtinn töluvert sunnar enn síðustu ár, spennandi keppnir framundan,  svo þetta lítur bara vel út.

 

 

25 kaldir

Vaknaði hress og kátur í morgunn og græjaði mig fljótlega út að hlaupa, planið var 25-30 km en nokkuð hvasst var fyrst í morgunn og með mælinn nálægt -10°C þá hljómaði svona langt hlaup ekkert alltof vel.  En eins og ávallt er allt mun betra þegar maður er kominn af stað og það var ekki fyrr en í restina þegar ég hljóp á móti ísköldum strekkingi að fæturnir fóru að stífna og allt varð hægara. 

Leið að öðru leiti vel og 30 km hefðu ekki verið vandamál á aðeins hlýrri degi.

Jæja

Kollurinn búinn að vera á fullu síðustu daga eftir að ég fékk inni í hlaupinu, 6 mánuðir til er ekki svo langur tími til að komast í gott form ekki síst þegar megnið af æfingum þurfa fara fram yfir vetrarmánuðina. 

Að mörgu þarf að hyggja, ferðalag yfir hálfan hnöttin, gisting, æfingar o.s.frv. 

Ætli ég byrji ekki bara formlegar æfingar á jóladag, tek nokkra daga í kæruleysi þangað til.

 

Western States 100

Mikil spenna búin að vera í desember, setti inn umsókn í október fyrir lotteríið nú í byrjun des.  Mjög margir voru um fá sæti svo líkurnar voru ekki miklar og fór það því þannig að ég komst ekki inn.  Bara einn frá Noregi og einn frá Svíþjóð.

Fékk síðan póst í þessari viku frá Greg Soderlund um að ég hefði verið valinn til "representera" mitt land í keppninni. Þurfti bara að staðfesta það og var skiljanlega snöggur að.  

Greiddi svo áðan fyrir plássið svo nú er ég kominn inn í WS100, jeiiii :)

Draumur að rætast sem hefur blundað síðan Gunnlaugur fór í þetta hlaup 2005/6.  Á eftir að ræða vel við hann um þetta hlaup á næstu mánuðum en þangað til verða æfingar teknar föstum tökum.   Hlaupið er 26. júní.

Jez Bragg, kunningi minn frá Bretlandi mun einnig keppa en hann fékk sjálfkrafa skráningu út á 3ja sætið í fyrra.

Bara gaman!