25 kaldir

Vaknaði hress og kátur í morgunn og græjaði mig fljótlega út að hlaupa, planið var 25-30 km en nokkuð hvasst var fyrst í morgunn og með mælinn nálægt -10°C þá hljómaði svona langt hlaup ekkert alltof vel.  En eins og ávallt er allt mun betra þegar maður er kominn af stað og það var ekki fyrr en í restina þegar ég hljóp á móti ísköldum strekkingi að fæturnir fóru að stífna og allt varð hægara. 

Leið að öðru leiti vel og 30 km hefðu ekki verið vandamál á aðeins hlýrri degi.

Athugasemdir

[Gunnlaugur (IP-tala skráð) 20.12.2009 kl. 18:16]

Sæll Börkur.

Til hamingju að vera kominn í WS. Það er upplifun sem þú átt ekki eftir að gleyma. Bara örfáir praktiskir hlutir. Skipulegðu sem fyrst ferðaáæltun til Californíu í gegnum alla dvölina þar. Hvenær ferðu og hvenær kemurðu til baka. Pantaðu gistipláss í Squaw Valley sem fyrst. Það er ódýrt núna en fyllist þegar nær dregur. Eins þarftu að hyggja að gistingu í San Francisco. Hún verður dýrari eftir því sem nær dregur.

Mbk

Gunnlaugur

[Börkur (IP-tala skráð) 20.12.2009 kl. 20:43]

Takk fyrir upplýsingarnar, ætla að leggjast yfir þetta um jólin og þú mátt alveg senda mér hvernig þú hafðir þetta í e-pósti, þ.e. hve langan tíma þú varst á svæðinu, hvar þú gistir o.s.frv.  

Var einmitt að fá bókina þína í hendurnar í þessum töluðu orðum og þar ert þú á forsíðunni að koma í mark í WS, stefni á að eignast eins mynd bara með mér á henni :)

[Fríða (IP-tala skráð) 20.12.2009 kl. 21:01]

Er þá UTMB dottið út hjá þér?

[Börkur (IP-tala skráð) 20.12.2009 kl. 22:26]

Neibb, það er tveimur mánuðum seinna og ætti maður að vera kominn aftur í góðan gír.

[gunnlaugur (IP-tala skráð) 21.12.2009 kl. 11:19]

Sæll Börkur.

Ég flaug vestur á mánudegi. Var í San Francisco þrid. og mid. Það er nauðsynlegt til að átta sig á hlutunum, venjast hitanum aðeins og skoða þessa stórkostlegu borg. Við Ágúst keyrðum til Squaw Valley á fid. og vorum komnir þangað um miðjan dag. Þá var fundur seinni partinn. Föstudagur er aðal undirbúningsdagurinn, stóri fundurinn, skráning og afhending gagna. Hlaupið byrjar á laugardagsmorgun og endar í Auburn framan af sunnudegi. Komið til San Francisco á sunnudagskvöld. Ég var svo í SF á mád. og þrid. til að nota ferðina og skoða mig um. Mæli með því. Átti góða daga þarna meðan ég var að jafna mig í fótunum. Flaug heim á mid. Þú þarft að finna út úr því hvernig þú kemst til Sqauw Valley og síðan til baka frá Auburn. Það þarf einnig að flytja dót frá SV til Auburn á meðan á hlaupinu stendur ef þú hefur engan hjálparmann. Svo þarf að komast heim til SF frá Auburn. Ég hafði ekki áhyggjur af þessu vegna aðstoðar þeirra Ágústar og Kristins.

 Mbk

Gunnlaugur