111 km hlaup og 103 km hjól

Ein mín besta vika frá upphafi er nú frá.  Aðstæður hér í Noregi eru mjög fínar og veðrið verið ágæt, t.d. ekki mikill vindur, bara sól og blíða. 

Hef náð að hjóla töluvert og þrátt fyrir að ég hafi ekki hjólað neitt af viti undanfarin ár hefur mér reynst auðvelt að detta í gírinn, ræð til dæmis vel við allar brekkur þó svo að hjólið sé á sverum grófmynstruðum vetrarhjólbörðum og 89% af orkunni fer í að yfirvinna viðnám dekkjanna!  

 Verður bara gaman að bæta við það í framtíðinni enda nóg af ókönnuðum leiðum hér á svæðinu.

Þar sem Garmurinn gleymdist heima hef ég þurft að giska á tíma hvað hlaup og hjól varðar, en mælt vegalengdirnar á hjólinu.  

Ætla að reyna að halda mér í ágætu kílómetramagni næstu vikurnar og vonandi gengur það upp.

Athugasemdir

[Eva Margrét Einarsdóttir, 6.7.2009 kl. 07:58]

Norge rokkar!

[Stefán Gíslason, 9.7.2009 kl. 14:02]

Þetta er flott! Mér finnst samt best sagan sem ég var að lesa á eldra bloggi hjá þér um konuna í Leifsstöð og Svavanger.  

Fór sjálfur á ráðstefnu í Stavanger 2001, en keyrði reyndar þangað frá Osló eða eitthvað. Í tengslum við það varð þessi saga til (ekki alveg "true story", en samt...):

Vinur minn:  Hvar varst þú?
Ég:  Stafangur.
Vinur minn: Hvað varstu að gera þar?
Ég:  Ég var á ráðstefnu.
Vinur minn: Um lesblindu?

(Ath.: Flestir þurfa að hlægja tvisvar að þessu; fyrst fyrir kurteisissakir og svo aftur þegar þeir „fatta djókið“).

En aðallega: Takk fyrir síðast og gangi þér vel að hlaupa og hjóla og gera hvaðeina annað!

[Börkur (IP-tala skráð) 12.7.2009 kl. 23:03]

Takk fyrir það Stefán, mun gera mitt besta. 

Norðmenn eru mikið fyrir Motbakka hlaup svokölluð en það eru hlaup þar sem farið er beint upp fjöll og allt að 1800m hækkun og yfirleitt peningaverðlaun.  Verð að prófa það við tækifæri.