Hamborg maraþon

Sé að Jói Gylfa er kominn í mark á 3:08:23 eftir 1:24:05 splitt í hálfu.  Hann fékk tak í bakið stuttu fyrir hlaupið, spurning hvort það hafi verið að angra hann í seinnihlutanum.

Hrafn Ómar bróðir hans var nú að klára á 3:18:14, flott hjá þeim bræðrum.

Tók þátt í Kosningahlaupinu á Akureyri í gær morgunn.  Var ekki alveg viss hvað ég ætti inni eftir mjög erfiða 25 km æfingu á fimmtudaginn en ákvað að keyra bara á þetta og sjá til.  Fór frekar hratt út í byrjun og hljóp með Þresti fyrstu 4 km eða svo en fann svo að það var of hratt fyrir mig og hægði á niður í ca. 4:20 pace, leið mjög vel á þeim hraða.  Svo kom Halldór Arinbjarnar framúr á góðum hraða og rétt fyrir snúninginn á km 10.5 þá náði Sævar mér.  Við lentum strax í mótvindi við þegar við snérum við og ákváðum að skiptast á að taka vindinn, þannig náðum við að hlaupa Halldór og Þröst uppi og hlupum svo með þeim upp að km 19 en þá fór ég að stífna aftan í hægra lærinu og missti þá frá mér.  Náði mér þó aftur á strik í lokin en náði bara að minnka bilið aðeins.  Rannveig Odds tók okkur strákana í nefið var á 1:29:21 en svo komum við fjórir strákarnir í mark á bilinu frá 1:33:35 til 1:34:14. 

Kom mér á óvart hvað ég var búinn að ná miklum framförum undanfarið en þessir sem ég var að keppa við hafa verið 2-3 mín á undan mér í 10 km en ég náði að hanga vel í þeim núna.  Lofar góðu fyrir sumarið.

Úrslitin annars að finna hér: Kosningahlaup 2009 - úrslit

Athugasemdir

[Fríða (IP-tala skráð) 26.4.2009 kl. 17:38]

Krúttlegt að þið skylduð hjálpast að .  Já, og svolítið skemmtilegt að vera í markinu og sjá Rannveigu koma skoppandi þarna langt á undan ykkur og svo ykkur fjóra í einni þvögu.

[Ása Dóra (IP-tala skráð) 28.4.2009 kl. 00:01]

......töff - go Rannveig ;o)